Ein Cynllun Busnes 2025-2030
Mae ein Cynllun Busnes yn gam pwysig i fyny mewn buddsoddiad dros y 5 mlynedd nesaf, sy’n adlewyrchu’r gwelliannau y mae ein cwsmeriaid am eu gweld yn ogystal ag amcanion pwysig y busnes.
Mae’r Cynllun Busnes ar gyfer 2025-2030 yn amlinellu ein hymrwymiad i gyflawni buddsoddiad uwch nag erioed, gan ganiatáu i ni wneud gwelliannau sylweddol i’r gwasanaethau a ddarparwn ar gyfer ein 3 miliwn o gwsmeriaid ar draws Cymru a rhannau o Loegr.
Mae’r diwydiant dŵr yng Nghymru a Lloegr yn gweithio mewn cylchoedd 5 mlynedd, ac mae ein Cynllun Busnes diweddaraf yn cwmpasu 2025-30. Rydyn ni wedi bod yn gweithio ar y Cynllun hwn gyda’n rheoleiddwyr, rhanddalwyr a chwsmeriaid dros yr ychydig flynyddoedd diwethaf.
- yn bosibl: mae angen i ni sicrhau y gallwn gyflawni’r holl gynlluniau buddsoddi a nodir yn ein Cynllun
- yn fforddiadwy: mae angen i ni sicrhau bod cynifer o gwsmeriaid â phosibl yn gallu fforddio talu eu biliau, a helpu’r rhai sy’n cael trafferth
- yn arianadwy: rydyn ni’n dibynnu ar y marchnadoedd ariannol i godi arian i helpu i ariannu ein buddsoddiad, felly mae angen i’r cynllun fod yn hygred
Mae ein cynlluniau buddsoddi ar gyfer 2025-30 yn cynrychioli ein Cynllun Busnes mwyaf uchelgeisiol erioed, gan gynnwys:
Cafodd y Cynllun Busnes yma ei lywio gan waith ymchwil i gwsmeriaid er mwyn sicrhau bod gennym ddealltwriaeth dda am anghenion a blaenoriaethau cwsmeriaid, a’i fod yn adlewyrchu eich safbwyntiau a’ch blaenoriaethau chi.
Dywedodd 81% o gwsmeriaid Dŵr Cymru fod y Cynllun yn ‘dderbyniol’.
Rydyn ni’n buddsoddi dros £2 filiwn y dydd er mwyn cynnal ac uwchraddio’r seilwaith sy’n cynnal y gwasanaethau a ddarparwn, gyda miloedd o filltiroedd o bibellau, a channoedd o weithfeydd trin a gorsafoedd pwmpio.
- Ll
- Ma
- Me
- I
- G
- Sa
- Su
Ar gyfartaledd dros y 15 mlynedd diwethaf, nid yw biliau wedi codi’n gyson â chwyddiant. Erbyn hyn, rydyn ni wedi cyrraedd pwynt lle mae angen i ni gynyddu’r buddsoddiad yn ein seilwaith dŵr a dŵr gwastraff fel y gallwn barhau i ddarparu gwasanaethau cynaliadwy, a lliniaru risgiau fel y rhai sy’n dod yn sgil newid hinsawdd.
Mae ein Cynllun Busnes yn dangos y math o gwmni rydyn ni eisiau bod, a’r gwasanaeth a ddarparwn, nawr ac yn y dyfodol.
Am nad oes cyfranddalwyr gennym, gallwn feddwl a blaengynllunio ar gyfer y tymor hir heb boeni am dalu buddrannau tymor byr.
Ein nod hirdymor yw “darparu gwasanaeth dŵr o safon ryngwladol, sy’n gadarn ac yn gynaliadwy er budd cenedlaethau’r dyfodol.” Mae hyn yn bwysicach nac erioed nawr o ystyried y sialensiau y gwelwn ym mhobman o’n cwmpas
Er nad corff cyhoeddus ydyn ni, rydyn ni’n gweithredu yn ôl gofynion Deddf Llesiant Cenedlaethau’r Dyfodol (Cymru), ac mae ein Cynllun yn cefnogi’r saith Nod Llesiant.
Y Cynllun Busnes yma yw’r cam nesaf i gyflawni ein nodau o sicrhau gwasanaeth cynaliadwy a gwydn ar gyfer 2050 a’r tu hwnt. Mae hynny’n golygu ymateb i’r sialensiau rydym yn eu rhagweld yn y byd o’n cwmpas, gan fanteisio ar arloesi a thechnoleg i ddarparu gwasanaeth gwerth gorau, a sicrhau nad ydym ni’n gosod baich ar y genhedlaeth nesaf.
Fel un o gwmnïau mwyaf Cymru, mae cyfrifoldeb arnom ni i wneud ein gorau glas dros Gymru a’i phobl.
Mae’r sialensiau sy’n ein hwynebu ni’n gymhleth, ac mae gan sectorau eraill, fel amaethyddiaeth, diwydiant, y sector cyhoeddus a’r rheoleiddwyr oll ran i’w chwarae.
Rydyn ni’n cefnogi dull o weithredu fel ‘Tîm Cymru’ sy’n golygu bod y rhai sy’n rhannu’r un amcanion yn cydweithio’n effeithiol i wella’r amgylchedd a’r cymunedau a wasanaethwn, ar lefel leol a chenedlaethol.
Rydyn ni wedi ymrwymo i chwarae ein rhan.
Rydyn ni’n gweithredu mewn ardal sy’n darparu set unigryw o sialensiau ar ein cyfer ni fel cwmni dŵr.
I ddarllen ein cynlluniau manwl, mae’r linc yma’n cynnwys ein holl gynlluniau a gyflwynwyd i’r rheoleiddiwr yn 2024.
Cliciwch yma i weld crynodeb o'n Cynllun Busnes 2025-2030 ar gyfer cwsmeriaid.
Cliciwch yma i ddarllen Llythyr Agored at ein cwsmeriaid gan Peter Perry, y Prif Weithredwr.