Dinas gadeiriol ar lannau Afon Dyfrdwy, yn agos at y ffin rhwng Cymru a Lloegr yw Caer. Gyda phoblogaeth o 92,760 ym mhrif ran y ddinas yn 2021, hi yw anheddiad mwyaf poblog bwrdeistref Gorllewin Sir Gaer a Chaer.
Mae Caer yn adnabyddus am ei hanes cyfoethog, a chanddi hi mae’r muriau dinas mwyaf cyflawn, y cae ras hynaf, a’r Amffitheatr Rufeinig fwyaf ym Mhrydain, yn ogystal â Chadeirlan sy’n 1000 o flynyddoedd oed.
Dros y pum mlynedd nesaf, byddwn ni’n buddsoddi at y dyfodol yn y sir er mwyn helpu i amddiffyn a gwella’r amgylchedd trwy ganolbwyntio ein hymdrechion ar wella ein safleoedd trin dŵr gwastraff.
Bob pum mlynedd, rydyn ni’n mynd ati i baratoi cynllun busnes rheoliadol sy’n cael ei gyflwyno i Ofwat yn rhan o’r broses Adolygu Prisiau. Mae’r cynlluniau’n seiliedig ar safbwyntiau cwsmeriaid ac yn cynnwys ein hymrwymiadau o ran perfformiad, effeithlonrwydd, buddsoddiadau a biliau. Isod mae esiampl o’r gwaith a gyflawnwyd yn eich ardal chi yn ystod y cyfnod buddsoddi blaenorol sef 2020-2025.
Rydyn ni’n cyflawni gwaith gwella yn ein gwaith trin dŵr gwastraff yn Farndon er mwyn gwella ansawdd y dŵr wedi ei drin cyn iddo gael ei ddychwelyd i’r amgylchedd. Yn ei dro, bydd hyn yn helpu i wella ansawdd y dŵr yn Afon Dyfrdwy sydd gerllaw.
Rydyn ni wrthi’n buddsoddi yng gwaith trin Dŵr Gwastraff Caer er mwyn gosod tanc dŵr storm ar y safle. Bydd y buddsoddiad yma’n helpu i gynyddu’r capasiti storio ar y safle mewn cyfnodau o law trwm er mwyn helpu i amddiffyn yr amgylchedd lleol.